مشكلات الحياه العصريه

[size=18]يوجد فى حياتنا العديد من المشكلات وعلينا ان نعرفها ونعرف اسبابها وكيفية علاجها ولذلك طرحت هذا الموضوع عليكم ليكتب كل عضو عن مشكلة من المشكلات ونحاول ايجاد حل لها مع بعض على سبيل المثال البطالة – ازمة الاسكان – ارتفاع الاسعار – العنوسة – التذبذب الدينى – نظام التعليم – الادمان – التدخين وغيرها من المشكلات الكثيرة هذا الموضوع يعتمد على كتابتكم فاكتبوا اى مشكلة بتوضيحها ونناقشها معا محاولين ايجاد حل

العنوسة : ببساطة هى مرور العمر للفتيات او الاولاد دون زواج

الاسباب :
1- البطالة للشباب وبالتالى لايستطيع الشاب الزواج ومصروفاتة من شقة وفرح وطلباتة

2- ارتفاع الاسعار ويترتب عليها ازمة السكن مما يجعل الشاب لا يفكر فى الزواج لان مرتبة الذى لايكفية لا يستطيع

تحمل الزواج ومصاريفة
3- مبالغة اهل العروس فى الطلبات الزواج دون مراعاة الظروف السابقة

وهناك اسباب كثيرة اللي يعرف يضيف

الحل :
1- تشغيل الشباب فى وظائف باسعار جيدة حتى لاينحرف د

2- تخفيض الاسعار وتقليل سعر الشقة وعلى الاهل العروس تقليل طلباتهم والعمل بقول رسول علية الصلاة والسلام اننا نأ خذ الرجل بدينة

وكما لاحظنا ان مشكلة واحدة ترتبت على مشكلات اخرى فاذا عالجنا واحدة سوف نعالج المشكلات المترتبة عليها فاذا عالجنا البطالة وارتفاع الاسعار واسعار الشقة مع ايجاد وحدات سكنية للشباب كثيرة مع اسعار معتدلة ترتب علية القضاء على مشكلة العنوسة مستنية افكاركم وعرض مشكلات اخرى [/size]

ممكن تكون الحلول سهلة وافتراحها اسهل لكن التنفيذ
يعنى انا مش متصور واحد يروح(فى زمنا ده) لاهل عروسة يخطبها ويرضوا بيه لمجرد انه محترم اوعلى قدر من الاخلاق دون التفكير فى المستوى المادى ووضع العراقيل واهى ماشية
بس بجد انا مبسوط ان المشاكل دى بتطرح للنقاش لاننا بعد عمر حنبقى اباء ولازم نراعى الظروف

اه طبعا

الحل يكمن فى الافراد نفسهم

هما اللى لازم يتغيروا

ولازم يكون فى حلول غير تقليديه

عشان التحسن الاقتصادى امر صعب المنال

ماهو التغير هيجي الاول اكيد من الاشخاص وكمان في نفس الوقت من حكومتنا الموقرة العظيمة
ازاي باه
اولا ان بجد لازم اهل البنت يتهاونو شوية في الغلاء بالمهور والشبكة والشقة وكل دا اينعم هما عايزين مصلحة بنتهم بس لازم يبصو للمجتمع بمنظور واقعي شوية ويعرفو انهم لو اصرو على طلباتهم هتبقى مصلحت بنتهم جمبهم في البيت وهيبقو جنو عليها للاسف ودا سبب اكيد من اسباب العنوسة
ثانيا ان الشباب يطورو افكارهم كتييييييير مايعتمدوش على كلمة هو انا لاقي هو في شغل اصلا واحنا يعني هنعمل ايه؟؟
ثالثا اكيد ودا الاهم ان حكموتنا توفر للشباب اللي بيتخرجو شغل فورا وبمرتبات كويسة على الاقل تناسب غلاء الاسعار في البلد او انهم ينزلو الاسعار باه طالما مش عايزين يعلو المرتبات
ودا على قد عقلي وعلى قد تفيكيري انا باه

هههههههههههههههههه
اكيد بتقولو الكلام سهل ياحجه
بس فين الفعل باه باه
ههههههه
عندكو حق
الشعب المصري تقريبا اكتر شعب بتاع كلام وبس والا كان زمان باه حالنا احسن بكتير من الحال اللي احنا فيه
لاحول ولاقوة الا بالله
ربنا يرحمنا برحمتة

اه هوا الكلام سهل اووى

بس الحلول صعبه جدا

احنا فى مرحله انتقاليه

ربنا يعدينا منها على خير يارب

اللهم ثبتنا على ايمانك وطاعتك وابعدنا عن معصيتك واذية خلقك

اللهم اصلح احوالنا وابعد عنا شرور انفسنا واجعلنا من المصليحن لا من المفسدين
اجعلنا من المعمرين لا من المخربين الهادمين
اللهم احمي امة محمد من الانهزام والانكسار واجعلنا اقوى امة في وجه الارض اللهم امين
امين امين امين

امييييييييييييييين يارب
وميرسي علي ردودكم المميزه
ودلوقتي حنطرح مشكله جديده
وهي
(التدخين )
دي بقي مشكله بيواجهها كتير اوي من الشباب وللأسف الشديد بقيت البنات كمان
وبعدين التدخين ده غلط من جميع النواحي
اولا هو حرام شرعا وده مش كلامي دي فتوي اصدرها شيخ الازهر
ثانيا مضر بالصحه وبيجيب امراض كتير جدا وبيؤدي للموت
وكمان فيه اسراف للمال

يلا بقي مستنياكم تردوا ع الموضوع وتقولوا اراءكم والحلول
للمشكله دي

مع الأسف الشديد دي فعلا مشكلة كبيرة اوي اوي
وانا واحدة من الناس بتعاني منها بسبب ان خطيبي بيشرب السجاير دي وحاولت ومازلت بحاول اني اخليه يبطلها

ادوعولو ربنا يرحمة منها هو وشباب امة محمد كلهم

مع الأسف تعودهم عليها خلاهم يقولو صعب نبعد عنها بسهوله بسبب نسبة النيكوتين اللي بتبقى في الدم وانهم لو استغنو عنها بيبقو مش متزبطين
بس والله لو فكرو بجدية ومن جميع النواحي هيلاقو انهم بيضرو نفسهم وصحتهم اول حاجه مش بس ضرر دنيوي دا كمان ضرر في الاخرة مع الاسف

عمرو خالد دلوقتي بدأ في حملة لا للإدمان لو سمعتو عنها
طبعا دا شئ جميل وايجابي جدا بس فين اللي يسمع

نفسي اعرف ايه السبب اللي بيخلهم يشربوها؟؟
الصحاب عليهم عامل كبير اوي والله الله لو الاب مثلا ولا الام بتدخن او كانو بيدخنو دي باه مصيبة لان طبيعي ان كتير من الابناء بياخدو الاباء قدوة ليهم

دا كمان المدخنيين مش بيضرو نفسهم وبسس لالالا دا بيضرو كل اللي حواليهم بالتدخين السلبي

وفي مصيبة اكبرر باه
ان الابن ممكن يكون شاف باباه اضر من السجاير جامد وانها كانت حتأدي لوفاته في يوم من الايام ومع ذلك مافيش اي اتعاظ من اللي بيحصل والحجه ايه باه؟؟ ماهو في ناس بتشرب كتير ومعمرين وفي ناس مش بتشرب وبتجيلها امراض الدنيا

دا حتى ربنا قال ولا تلقو انفسكم بأيدييكم الى التهلكة
بس فيين؟؟
وممكن تعد تهاتي وتهاتي وتحاول انك تخلي اللي بيدخن دا يبطل العادة دي
يسمه يسمع وفي الاخر يقولك

قول يــــــارب

انا الحمد لله

بتخنق من ريحه السجاير

بس مضطر انى اشم الريحه عشان اصحابى كلهم بيشربوا

ولما بنقعد فى الكافيهات بيشيشوا

فمجبر اخاك لا بطل

وبعدين الحل يكمن فى تحسين الظروف

والقضاء على حالات الاحباط والملل اللى بتواجه الشبابا

الشباب معذور صدقونى

الناس تعبت والله من الهموم والمشاكل

ربنا معانا

انا برضو بواجه المشكله دي
لان بابا بيشربها وبالتالي انا بدخن سلبي غصب عني يعني
بس الحمد لله بطلها دلوقتي
المشكله ان الكلام ده مبقاش ينفع مع اللي بيدخنوا لانهم عارفينوا وعارفين انها غلط
دول رسموا لهم شكل رئه المدخن علي علبه السجاير
وكاتبين انها بتسبب الوفاة
ربنا يهدي الجميع ويمنع عنهم العاده السيئه دي

هو تقريبا الشيطان بقى اقوى من البني ادم للاسف ودا شئ سئ للغاية
ربنا يحفظهم منها ويكرهم فيها يارب

بالذات السجاير نفسى ابطلها بس مش عارف
لو حد عنده فكرة عن ازاى ابطل يفيدنى

ياريت كان في ايدي الحل والله يامصطفى كنت عرفت اخلي خطيبي يبطلها بس للاسف انا لغاية دلوقتي مش عارفة ازاي ابطلهاله
بس انا مش هفقد الامل وهفضل احاول واحاول يمكن ربنا يكرمني ويبطلها

بجد لازم تحاول تبطلها عشان نفسك قبل اي حاجه

ربنا يعينك على بعدك عنها ويكهرك فيها انت وكل شباب المسلمين اجمعين
امين امين امين

Admin كتب:: انا الحمد لله

بتخنق من ريحه السجاير

بس مضطر انى اشم الريحه عشان اصحابى كلهم بيشربوا

ولما بنقعد فى الكافيهات بيشيشوا

فمجبر اخاك لا بطل

وبعدين الحل يكمن فى تحسين الظروف

والقضاء على حالات الاحباط والملل اللى بتواجه الشبابا

الشباب معذور صدقونى

انا كمان زياك يامان مش بطيق ريحتها وكمان انا معاك فى الكلام اللى انت بتقوله

بجد فعلا لازم نتغير من نفسنا الاول

مش نتكلم وبس وطبعا الشعب المصرى عنده الكلام اسهل من كده مافييش ومش فى فعل

الناس تعبت والله من الهموم والمشاكل

ربنا معانا

ربنا يسمع منك

شكرا ياجماعه علي ردودكم وارائكم اللي نورت الموضوع

والنهارده بقي حطرح عليكم مشكله جديده
وعايزه اعرف رأيكم فيهاا
المشكله هي (ارتفاع الاسعار)
المشكله دي موجودده من زمان بس ظهرت بصوره اكبر الايام دي
لان الاسعار زادت بصوره جنونيه
والمشكله اصلا ان زياده الاسعار دي مش بيقابلها زياده في الاجور
بس الاجور بقي لما بتزيد بتقابلها زياده في الاسعار........فاهمني طبعا
يعني اسعار بتزيد كل يوم ومرتب ثابت مش بيتحرك جنيه واحد
يلا عايزة اعرف رأيكم وكمان عايزين نفكر في حلول
وهل انتوا شايفين ان الاضراب ده حل لخفض الاسعار؟؟؟

اه واللهى العظيم

حاجه فظيعه الاسعار دى

انا والله يا جماعه ناا والراجل اللى معايا ساكنين فى شقه ب 700 جنيه فى الشهر

الاسعار نار

وبنجيب عيش من السوبر ماركت بحوالى 15 جنيه كل يوم

تصوروا

انا ناوى اسرق عشان الاحق

على العموم الحكومه ربنا يخليها قايمه بالواجب وزياده

ف6ين دور الحكومه فين دور الضبط والتحكم فى الاسعار ؟؟

» سونج خالد عجاج مين فى الحياه من فيلم خارج على القانون