هل اللبس شئ اساسى للحكم على الناااس؟

يعنى هو اللبس ( الهدوم يعنى) بقت فى مجتمعنا شئ اساسى للحكم على الشخص
يعنى البنت اللى بتبقى لابسة ضيق( ودى حرية شخصية لها ) انت او انتى بتحكمى عليها انها مش مؤدبة؟
طب الواد اللى بيبقى متفرفر ولابس هدوم ملهاش دعوة ببعض انت بتحكم عليه وعلى شخصيته من غير مايكون ليك كلام معاه وبتقول ايه
بجد والله الموضوع ده شاغلنى من زمااااان ونفسى الناس تناقش الموضوع ده

انت او انتى بتحكم على الناس من خلال اللبس
او من خلال كلامك معااااااااااهم ومعرفتك بيهم

بص يامصطفى الموضوع جامد جدا ويستحق النقاش فعلا وهتلاقي فيه جدال كتير اوي فيه كمان
انا هتكلم عن نفسي مثلا

انا بصراحة لما بشوف بنت لبسها مش اللي هو اكيد بنتقضها خصوصا المحجبات يعني وكده انها لازم تحترم الطرحة وحجابها كده يعني والطبيعي جدا اني اقول البنت دي مش اد كده
لانها لو محترمة نسبيا اكيد مش هتحب ان لبسها يبقى مستفز حتى لو دي حرية شخصية
مهما كان هي مش ماشية لوحدها في الشارع في ناس وفي عيوووووووون بتبص ماشاء الله يعني مش بيرحمو

عشان كده البنت المحترمة لازم تعمل حساب كل دا وقبل كل دا لازم تكون عامله ان ربنا شايفها وانه اكيد مش راضي باللبس دا

دا بالنسبة للبنات
اما الولاد باه
فمتهيالي ان الولد مهما لبس مش هيكون ملفت او كده وحتى لو كان ملفت فمهما كان دا ولد
اللبس مش في كل الحالات بيعكس الشخصيات
بس انا عن نفسي ممكن احكم على حد من لبسة بصراحة

وفي الاول وفي الاخر الاختلاف في الراي لا يفسد للود قضية

موضوع جميل اوى يا مصطفى بس عن نفسى سعات بنحكم على البنت او الولد عن طريق لبسهم فعلا ودا راجع لطبيعه مجتمعنا الشرقى ولكن هناك بعض الاولاد او البنات بيبقوا محترمين جدا رغم لبسهم اللى بيدل على غير كده بس لازم يكون عندهم نوع من الذكاء والفطنه لطبيعه المجتمع اللى بيعيشوا فيه لان احنا مش عايشين فى المجتمع لوحدنا والناس فعلاعلى راى نودا عندها عيييييييون بتبص عليها وانهم فعلا مش بيرحموا ومش لازم يمشوا ورا الموضى العمياء اللى غايتها فقط افقاد الهويه

اه كلامكم جميل اوى وعقلانى
بس اكيد فى وجهات نظر تانية
زى مثلا لو الناس كلها مقتنعة بكلامكم اكيد مش حنلاقى اللى احنا كل يوم بنشوفه من بنات مش حاسة بالمجتمع اللى هما عايشين فيه
ولا حتى شباب عندهم غيبوبة اسمها التقليد الاعمى

لسة الموضوع مطروح ولو اى حد عنده اى راى ياريت يفيدنا

للاسف الشديد البنات دلوقتي بقت كلها بتقلد بعض ومش هممها اي عادات او تقاليد او حتى دين واخلاق
كل همهم يقلدو فلانة وفلانة اصل فلانة شوفتها في الحلقة الفلانية لابسة كده دا جامد ويبقى عليا انا اكيد هيبقى احلى
في بنات كتير اوي بيستمتعو بانهم ملفتات للنظر للاسف الشديد

ربنا يهديهم ويعرفو ان اللي بيعملوة دا عمرة ماكان في مصلحتهم ولا اللبس دا هو اللي بيظهر جمالهم دا بالعكس لو البنت من جواها محترمة وكلها دين واخلاق وبتعمل كده لمجرد انها تقلد وخلاص دي كده بتدي انطباع عنها عكسي تماما عن اللي هيا نفسها فيه

وانا متاكدة ان الشباب عمرهم ماهيفكرو ان العينة دي من البنات تبقى شريكة الحياة وام صالحة لولادة ودا اكيد وحتى لو كان بيبدو الاعجاب الفظيع بيهم دا اغلبيتهم يعني للاسف بيبقى لمجرد التسلية واهي حاجه ببلاش بكل اسف وحسرة على بنات وشباب المسلمين

ربنا يهديلهم نفسهم ويلحقو نفسهم قبل فوات الاوان ويقولو ياريت اللي كان ماجرا

اه والله عندك حق
البنات اللى بتبقى مكبراها ولبسين هدوم غريبة لا تتناسب مع الواقع والمجتمع فعلا بيكونوا لمجرد الزينة بس انا واحد من الناس يوم ما افكر ارتبط ارتباط رسمى رسمى يعنى مش حفكر الا فى واحدة ملتزمة يمكن اكتر منى حبتين

اها

الموضوع مهم جدا

وبعدين البنات بجد بقت حاجه تخنق

تلاقى البنت محجبه ولبسها حاجه ما شاء الله

بجد القيم فى المجتمع بقت قيم نسبيه

محدش عارف مين الكويس ومين الوحش

وبعدين انا اعرف بنات من الفيس بوك

البنت محجبه فى حياتها العاديه ومع ذ لك ليها صور تقريبا عريانه تماما

ربنا يستر علينا من الاخر