عدد الرسائل : 22 احترامك لقوانين المنتدى : الاوسمه : تاريخ التسجيل : 20/03/2008
موضوع: الحصة التانية من اسس الرخامة والرزالة الجمعة مارس 21, 2008 9:40 am
الحصة التانية ازاى تبقى رذل فى الكلية فى الكلية هتقابل صاحبك وهتقعدوا على أى كافيه بقى هيجى الجارصون سيب صحبك يطلب الأول وبعدين استلم الجارصون بقى واديله نصيبه قوله عندك برجر ؟ هيقولك اه قوله حلو ؟ هيقولك تمام قوله اوك يبقى اكتب واحد شاورمة طب عندك كبده ؟ هيقولك ايوة قوله معمولة ازاى ؟ سيبه يرغى شوية وقوله انا اصلا مبحبش الكبدة فكك حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة ومتنساش تعيب على الأكل وأنت بتحاسب وكمان تقول الحساب غالى فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم لو مسكتش أنا هقول للدكتور والحركة دى رذلة ومستفزة جدا بس اشطه يعنى وياسلام لو واحد وواحدة يبقى أنت كده جبت من الآخر لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن وبكده يبقى أنت مارست هوايتك وقضيت يوم رذل
بس عايز أعرف الأول أيه رأيكوا فى الحصة التانية؟؟؟
adelianoh
عدد الرسائل : 185 العمر : 37 الموقع : www.adelianoh.blogspot.com الاوسمه : تاريخ التسجيل : 16/03/2008
موضوع: رد: الحصة التانية من اسس الرخامة والرزالة الجمعة مارس 21, 2008 1:16 pm
لا بجد جامده اوى ياميدو بس مش يتهيالى ان فى ممكن يقدر يعمل كده
حابس ابليس فى كيس
عدد الرسائل : 30 العمر : 33 تاريخ التسجيل : 16/03/2008
موضوع: رد: الحصة التانية من اسس الرخامة والرزالة الجمعة مارس 21, 2008 1:48 pm
هو دا الشغل انت كنت فين من زمان حابس ابليس المشرف
Admin Admin
عدد الرسائل : 611 العمر : 35 الاوسمه : تاريخ التسجيل : 08/03/2008
موضوع: رد: الحصة التانية من اسس الرخامة والرزالة السبت مارس 22, 2008 3:31 am
ايه الرخامه دى يا ميدووو
على العموم
منور منتدى التهييس الرسمى المصرح به
علنا وخفاءا من منظمه التهييس العالميه
ومقرها كافيه زيدووووووو
اميرة
عدد الرسائل : 259 العمر : 34 تاريخ التسجيل : 16/03/2008
موضوع: اميرة السبت مارس 22, 2008 3:54 pm
هههه جميلة اووي ياميدو بس دي رخامة بجد يعني لما نشوف الحصة التالتة .هههه
سها
عدد الرسائل : 150 العمر : 34 الموقع : فى قلوب احبائى الاوسمه : تاريخ التسجيل : 18/03/2008
موضوع: رد: الحصة التانية من اسس الرخامة والرزالة السبت مارس 22, 2008 6:37 pm
ههههههههه جميله جدا يا ميدو مستنين الحصه الثالثه بفارغ الصبر
مصطفى الملا
عدد الرسائل : 273 العمر : 36 الموقع : عروس البحر المتوسط الاوسمه : تاريخ التسجيل : 20/03/2008
موضوع: رد: الحصة التانية من اسس الرخامة والرزالة الأحد مارس 23, 2008 8:04 am
اوك يامااااااااااااااااااااااااااان الجرس ضرب ابدا الحصة الثالثة مستنى
حابس ابليس فى كيس
عدد الرسائل : 30 العمر : 33 تاريخ التسجيل : 16/03/2008
موضوع: رد: الحصة التانية من اسس الرخامة والرزالة الإثنين أبريل 14, 2008 1:31 pm
جاااااااااااااااااااااااااامده
munchi
عدد الرسائل : 47 العمر : 34 الموقع : فى احسن مكان فى الوجود بيتى الاوسمه : تاريخ التسجيل : 21/03/2008
موضوع: رد: الحصة التانية من اسس الرخامة والرزالة الأربعاء أبريل 23, 2008 8:42 am